Стрессийн түвшин тогтоох тест (Өөрийгөө үнэлэх)

“Монголын Сэтгэлзүй, Сэтгэц Хэмжилзүйн Үндэсний Хүрээлэнгээс” нийгмийн сэтгэл зүйн эрүүл мэнд, сэтгэлийн сайн сайхан байдлыг дэмжих үүднээс стрессийн түвшин тогтоох сорилыг Үнэгүй хүргэж байна. Та өөрийн болон хайртай хүнийхээ стрессийн түвшин хэр өндөр байгааг энэхүү тестийг ашиглан тогтоох боломжтой. Асуулт бүрийг анхааралтай уншиж, сүүлийн нэг сарын хугацаанд үүнтэй ижил төстэй бэрхшээлүүд хэр олон удаа тулгарснаа эргэцүүлж хариулаарай. Хэрэв стрессийн түвшин хэт өндөр гарвал мэргэжлийн сэтгэл зүйчид хандахыг зөвлөе. Сэтгэл зүйн аливаа эмгэг, оношийг зөвхөн мэргэшсэн сэтгэцийн эрүүл мэндийн мэргэжилтэн оношлох боломжтой гэдгийг анхаарна уу.

Стрессийнхээ түвшинг тогтоож, сэтгэл зүйн эрүүл мэндийн балансаа зөв зохицуулахад тань бага ч болов тус болно гэж найдаж байна. 

Стрессийн тест бөглөхийн тулд тестийн санд нэвтэрнэ үү.

Стресс гэж юу вэ?

Стресс бол хүний хэвийн хариу үйлдэл юм. Тархи болоод бие махбод нь аливаа зүйлд ямар нэг хариу үйлдэл үзүүлдэг. Амьдралыг өөрчилдөг олон нөхцөл байдал, стрессийн хүчин зүйлсийн улмаас бидний амьдралын аль нэг үед стресс өндөр байх нь хэвийн үзэгдэл юм. 
Сэтгэл зүйн эрүүл мэндийн асуудлаас урьдчилан сэргийлэхийн тулд мэргэжлийн сэтгэл зүйчтэй зөвлөлдөх нь дээр. Стрессийн даавар (стрессийн гормон гэгддэг кортизолыг оруулаад) тогтмол урсах нь таны биед сөргөөр нөлөөлж, илүү хурдан хөгширч, өвчинд өртөмтгий болгодог. Цочмог болон архаг стрессийн хамгийн түгээмэл шалтгаануудын зарим нь дараах хэд хэдэн хүчин зүйлээс шалтгаалж болно. Үүнд:
– Бүтэлгүй хайр дурлал, салалт
– Хагацал, өнчрөл
– Ажлаас халагдах
– Санхүүгийн дарамт эсвэл орлогын бууралт
– Архаг өвчин эсвэл гэмтэл бэртэл
– Өндөр настан эсвэл өвчтэй гэр бүлийн гишүүнийг асрах
– Байгалийн гамшиг
– Хулгай, хүчингийн гэмт хэрэгт өртөх гэх мэт.